森美父母入隔離營 拖鞋都冇對！
藝人森美的父母早前被困爆發新冠肺炎的郵輪「鑽石公主號」，幸好檢測結果呈陰性，前晚終於落船乘包機回港。不過，原定跟他們同機的18名港人，被日方醫生告知與確診者有緊密接觸，雖然最後發現搞錯，但航空公司仍拒絕他們登機！森美在父母抵港後受訪，表示兩老也差點不能上機：「佢哋畀人投閒置散去到某個地方幾個鐘頭，臨尾先話佢哋係確診者嘅親密朋友，爸爸就透過翻譯同日本嗰邊講佢哋冇，先知道日本啲資料錯，即刻安排架車畀佢哋登機，我諗日本資訊都比較亂。」
父母昨日已入營隔離，森美透露兩人最新情況：「都OK喎！早餐仲有幾款添，有腸仔包、蛋呀，唔好要求咁高。」但表示若有物資交給父母，則要依足規矩才可：「依家跟進緊，睇吓佢哋有咩係需要。開頭都話冇拖鞋，但後尾都搵到，咁都幾細心嘅，洗頭水、梘液、生活用品都有晒！」對於被批評沒有留言感謝政府包機，他覺得不用分得太仔細。