用到見底心慌慌 劉芷希J.Arie拖篋撲口罩

劉芷希（右）與J.Arie見到口罩即金睛火眼Check清楚，以免入錯貨。

曾於無綫劇集《黃金有罪》飾演舞女莫莉莉的藝人劉芷希，日前剛從馬來西亞探親返港，由於離港三星期，她家中的口罩存貨相當緊絀，面對新冠肺炎肆虐，她不敢怠慢，一落機即拉篋搵埋好友雷深如（J.Arie）入貨，二人去勻藥房、超市及日用品店，甚至連環保袋店亦不放過，差不多每間舖都入內詢問，可惜全數撲空，期間將旅行篋抽上抽落，相當狼狽！

細心Check質量

兩位好姊妹愈撲愈慌，更一度在街頭發愁，幸好最後在街邊檔搵到20蚊10個的口罩，如獲至寶，不過開心還開心，她們仍保持理智，細心研究口罩的質量，最後覺得OK便買下！除口罩外，二人同時搵埋廁紙及消毒藥水，幸好很快便買到，不用四圍撲！

事後劉芷希受訪時，直言已近乎冇晒口罩，所以很慌：「之前喺馬來西亞都好難搵，搵到都留畀屋企人，諗住返嚟香港再搵，點知咁難！有朋友話畀兒童口罩我，我諗住搵唔到都要頂住先，好彩搵到。」

劉芷希與J.Arie拎住行李騰上騰落，為「尋寶」不怕辛苦。	在《黃金有罪》中演舞女「莫莉莉」的劉芷希，與J.Arie情同姊妹。	J.Arie

至於J.Arie亦替好姊妹撲到口罩開心：「其實我都得番10個，都有買少少，我每次唔會買太多，想留畀有需要嘅人。」