憑《送我一枝玫瑰花》為人熟識的歌唱老師鮑培莉，本月17日在港病逝。她一生桃李滿門，16歲已跟她學唱歌的梁漢文感難過，透露對方移民前提名他參加新秀：「因為佢嘅鼓勵，我先喺樂壇做咗30年，佢係我大恩師。2008年我結婚時，佢有返香港飲我嗰餐，上個月聯絡仲話約食飯，好可惜收到呢個消息。」鮑培莉亦是汪明荃第一位歌唱老師，汪明荃受訪時說：「佢喺內地嚟之後參加歌唱比賽，然後做幕後代唱，我同奚秀蘭都係佢嘅學生。（近年有冇見面？）有次佢嚟睇我演唱會，仲同我講『你做得好好』。」