爆四角關係 朱智賢冇得親熱
無綫新劇《食腦喪B》演員朱智賢、方紹聰及黎振燁昨日在淺水灣拍攝外景。劇情拍攝到三人的錯摸關係，方紹聰自以為與朱智賢情投意合，一心打算表白，但原來她情傾黎振燁，而飾演律師的朱智賢，劇中與翟威廉亦有感情線，情陷四角關係。
問到劇中異性緣爆旺，有否親熱戲及因應疫情做足消毒措施？她說：「冇親熱戲，但係開工有做足消毒，成日都會用酒精搓手液同消毒紙巾抹手，但係洗手太多搞到隻手甩晒皮。」
方紹聰則笑謂今次「洗底」做搞笑道士，終於擺脫「御用變態佬」角色之名，他笑說：「之前拍一場戲要着晒全套防疫裝備，口罩、面罩、防疫袍，拍完攞咗套裝備返屋企，如果遲啲要去高危地方，可以攞番嚟用。」