譚凱琪嫁富貴男友：牽你手到永遠
娛樂圈近日喜事重重，譚凱琪亦宣布即將出嫁，與拍拖8年的莊姓男友結婚，被指嫁入豪門的她笑言與男友都是踏實、低調的人，婚後拒做少奶奶，會繼續做幕前。
無綫藝人譚凱琪（Zoie）與圈外富貴男友莊日宇（Enrico）拍拖8年，二人日前正式入紙申請註冊結婚。Zoie昨日於Ig甫出與男友的拖手相，但男友繼續玩低調不見樣，Zoie甜蜜留言說：「牽着你手直到永遠，期待與你往後的約定。」
求婚過程感動
她昨日受訪時坦言男友在外地求婚，過程很感動，男友向來相當低調，她開心的說：「佢都有做足所有要做嘅嘢，雖然佢平時個人悶悶哋，但呢啲嘢都會做足嘅。」問到二人突然結婚是否有「喜」時，Zoie笑說：「冇呀！只不過覺得依家係時候。」問及擺喜酒一事，她坦言一切還未決定，因為目前時勢不穩定，過一陣子才算。說到被指嫁入豪門，Zoie說：「我哋都係踏實嘅人，不嬲都好低調，可能之前有傳媒寫過，所以大家都咁寫。（做咗莊太後，正式享福做少奶奶？）我仲會繼續做o架！依家仲咁後生，做乜唔做嘢呀？」
龔嘉欣恭喜開花結果
至於其好姊妹龔嘉欣坦言戥她開心：「佢哋不嬲都好好，都係向呢個方向行，佢男朋友都好好，恭喜佢哋終於開花結果。」說到「少婦聯盟」陳凱琳、譚凱琪中，只得她這個「筍盤」未嫁，嘉欣說：「等吓先啦！我依家幫陳凱琳做住保母先，Rafael（陳凱琳兒子）好鍾意熱鬧，我又樂意幫佢湊仔，我同Rafael都好啱Keyo架！」而陳凱琳表示之前已聽聞Zoie有結婚打算：「好開心佢入咗紙，好快就真係成為少婦，祝佢同未婚夫開開心心，恩恩愛愛啦！」