「閉關」三星期！ 劉穎鏇唔夠口罩DIY自救
藝人劉穎鏇因疫情「被困」3星期，惟有在家溫書打發時間。由於手頭口罩缺貨，她趁開工跟專家學習DIY消毒用品，以解燃眉之急！
五位「是非精」劉穎鏇（Tiffany）、馮盈盈、麥美恩、何依婷與戴祖儀，昨日在電視城出席《學是疫學非》記者會，Tiffany透露錄影時學懂很多防疫知識：「出完街返到屋企會即刻洗手。（消毒物資足夠？）好彩之前媽咪喺美國帶咗消毒液返嚟，畀我同爸爸用，所剩口罩數量唔多，所以希望學到自製消毒用品。」她又自爆除上班外，已有約3星期沒上街或出席社交活動：「好彩依家讀緊書，可以留喺屋企溫習同睇電視，我亦唔係好怕悶嘅人。」
馮盈盈小心說話
而馮盈盈日前到屋邨派口罩，獲網友大讚是「真港姐」，她說：「係細佬同表哥等十個人自發嘅行動，我哋籌到幾百個口罩，只夠派兩、三座樓，但有做好過冇做。」談及拍檔陸浩明（6號）在《#後生仔傾吓偈》中，因口誤而成為全城熱話，盈盈大讚他肯承擔：「佢深夜已經連續發文兩次道歉，值得欣賞！呢件事台前幕後都有責任，應該共同承擔。」問日後會否謹言慎行，她說：「小心說話係一向要做嘅事，新冠肺炎人命攸關，特別要小心，好彩今次特輯有好多專業人士做資料搜集同Fact Check。」
麥明詩為6號求情
至於曾與陸浩明合作《#後生仔傾吓偈》的前港姐麥明詩，身在台灣仍不忘為拍檔發聲，希望網民不要過分「鞭屍」，指合作期間經常獲對方幫忙補鑊：「當然，呢個口誤好嚴重，佢責無旁貸，而陸浩明亦即刻出嚟道歉。」不過，她認為剪接組沒修正，字幕組又照配字幕，同樣有責任，會向監製建議在節目上澄清。