森美寧願父母入隔離營

森美的父母仍困在有確診新冠肺炎的鑽石公主號郵輪上，昨日他在主持的電台節目中，表示父母的測試報告預計要兩日才有，為免接觸太多人，父母選擇留在房中：「就算可隔日到甲板活動，佢哋都只係去咗一次，父親主動清潔間房。」森美已叮囑父母自保：「叫媽咪沖涼時用濕毛巾封下渠位，平日又要倒水落去，因為係中央冷氣出風，喺房中都戴口罩，餐具就要用滾水洗五分鐘，仲叫佢哋唔好同職員交談。」