李漫芬靠地膽教路買口罩
藝人李漫芬（Fanny）早前與老公Alvin、囡囡談在心、媽媽及奶奶，一行五人到泰國旅行，不少朋友指她扶老攜幼出埠的做法相當大膽，她說：「呢個係計劃咗好耐嘅行程，一直想帶媽咪、奶奶同心心去泰國，冇諗過取消，但好小心。基本上任何時候，除咗食飯同酒店房內，全程都戴住口罩，唯一唔敢去泳池，心心喺房玩水泡就當游咗水。」
Fanny指老公懂泰文，有聽從當地人教路搜購口罩：「按摩姐姐教我哋去平民區先買到，不過數量唔多，只係買咗100個左右。」而未滿兩歲的心心坐飛機時十分乖巧，深得機艙服務員歡迎。Fanny又特別感謝兩老幫忙照顧囡囡，讓她和老公可以有兩個小時過二人世界。