蔡卓妍再入圍金像獎開香檳慶祝

蔡卓妍（Sa）在第39屆金像獎憑電影《聖荷西謀殺案》入圍最佳女配角，去年已提名角逐影后，今年又入圍，她覺得很感恩：「好開心能夠遇到一個好好嘅導演、兩個好好嘅對手，以及一個好好嘅團隊。」現時身處外地拍攝網劇《女法醫JD》的她，以及同樣有份提名最佳女配角的鮑起靜，日前獲劇組舉行神秘慶祝派對，當完成拍攝後，劇組突然齊聲歡呼並拿出香檳，令阿Sa十分驚喜，她說：「開緊工嘅時候收到提名消息，大家都好開心，有互相祝賀同打氣。估唔到拍攝完咗，佢哋會再有驚喜畀我！」同劇的攝影師謝忠道亦憑電影《犯罪現場》提名「最佳攝影」，可謂三喜臨門。