張文慈感激米雪補妝
藝人張文慈（Pinky）、謝賢及米雪「打頭陣」，演出無綫新劇《法證先鋒IV》首個單元故事。戲中Pinky幾乎以素顏上陣，更化身「花面貓」：「劇情交代我受傷，淨係傷疤造型都用咗三日時間。」
談到與米雪的「姐妹情」，Pinky十分感恩：「對上一次同雪姐合作，係《宮心計2深宮計》，佢以前輩身份教我哋談吐、走位及做手，好記得佢有日覺得我嘅化妝唔啱，竟然當眾一筆一筆咁幫我補妝。」至於老拍檔謝賢則繼續其幽默本色，氹到她於片場內忍不住大笑。Pinky續謂：「監製梅小青返無綫拍咗兩部劇，我都有幸參演，希望佢日後好好享受退休生活，我哋友誼永固。」