陳嘉莉收花爆戀情
藝人陳嘉莉（Kelly）於前日情人節收了大束粉紅色及香檳色玫瑰，網上開心Share並留言說：「I'm so surprised this morning，霎時間個人醒晒！」相中她笑到見牙唔見眼，十分開心。
去年Kelly與張建聲結束三年情，原來她已有拖拍，她說：「我唔係想公布乜嘢，純粹開心分享吓。（拍緊拖？）有拍拖嘅，但唔想講咁多，始終佢係圈外人，唔想令佢曝光。（情人節點過？）自己一個，都唔敢出街。（男友淨係送花？）心思OK嘅。」她直言擔心疫情，家中的防疫物資不多，故減少外出，在家的最大娛樂是煲劇和做運動：「要時刻保持開心最緊要，依家好多人都唔開心，要令自己有正能量。」