王卓淇公審戀趾狂迷
前港姐亞軍王卓淇（Erin）活躍於社交網，經常晒性感福利照吸粉絲，因而引來狂迷「騷擾」，EQ甚高的她公開狂迷留言擊退對方，還笑言多謝他的支持！
Erin自2014年卸任港姐後，加入無綫成為藝員，幾年間拍過不少劇集如《愛情食物鏈》、《我瞞結婚了》以及《果欄中的江湖大嫂》，去年她在劇集《十二傳說》中聲淚俱下獨白，被網友大讚演技大躍進，努力演戲的她說：「好多謝網友讚賞，我有上演技班，希望提升演技。」
活喺網絡世界
常在社交網上載索相派福利的她，自爆性格內向，只活躍於網上世界，與粉絲互動：「我住喺網絡入面，朋友或關於公事我都會秒回，因為我好活喺自己同埋二次元世界，又好鍾意動漫同打機、同粉絲傾偈，了解吓大家嘅生活。」
唔封鎖仲多謝
不過，Erin坦言曾在網上被狂迷「騷擾」，最後機智擊退對方：「有個鍾意腳嘅狂迷私訊我，話我啲腳趾好靚，問我可唔可以賣啲腳趾嘅片畀佢，我冇直接覆佢，但Cap低咗對話，當然冇公開佢個名，擺咗喺社交網動態，叫大家留意，總有一日會睇到，唔使畀錢我。（有冇封鎖佢？）梗係冇啦，佢咁支持我！」
Profile
年齡：28歲
身高：1米68
三圍：32、22、33
嗜好：唱歌、跳舞、上網、打機、玩貓