Bob呻冇嘢撈 湊仔「咬老軟」

娛樂圈因受疫情影響步入「寒冬」，育有四子女的林盛斌（Bob）早前已透露旗下製作公司生意大受影響，連「外快」都沒有。昨日，他在社交網上載一張太太的背影照，有感而發指身兼玄學家的老婆日日有工開，自言有「食軟飯」的感覺：「呢期大部分嘅工作，一係取消，一係延期，每日我嘅流程就係睇住幾隻嘢做功課同陪玩，反而佢日日就晨咁早出去幫客睇風水，睇到夜晚先返。我覺得，呢期自己好似有少少咬老軟Feel。」不少網民為他打氣，並笑言：「老軟都要有本事先食到，加油！」又讚其太太身形纖瘦不少，看來工作繁忙所致。