恭碩良篤拐杖唱到86歲
歌手恭碩良（Jun）為ViuTV音樂節目《Chill Club》擔任嘉賓，唱出創作名曲《你着幾號鞋》及《愛空間》，自稱電視稀客的他笑說：「如果有86歲咁長命嘅話，我諗我唔介意仲唱呢首歌，到時會有個老人拐杖版本《你着幾號鞋》，希望大家身體健康，捱到86又好、96都好，最緊要多啲洗手。」
Jun計劃舉行演唱會，以往喜歡將作品重新改編的他，今次會盡量原汁原味呈現給樂迷：「好耐冇試過玩原裝版，所以好大壓力，同時令我回想起98年剛入行，喺北角住Apartment又冇冷氣，做新人嘅日子。」節目中他又與林德信及Dough-Boy合唱共同創作的新歌《Beef》，笑言新曲盡顯麻甩本色。