紐約掃貨回歸 黃智雯趙希洛唔趕交人
藝人黃智雯與趙希洛早前出席紐約時裝周，昨日齊齊返港，並透露此行逗留了一星期，很高興以閨蜜身份一起工作。新冠肺炎肆虐，她們坦言出發前有點擔心，幸而全程很順利，智雯說：「飛返嚟15個鐘，除咗食嘢之外都戴口罩，會摸到嘅地方有消毒，又經常洗手。」
趙希洛則指在美國工作期間經常化妝影相，所以不常戴口罩，反而呼吸多了新鮮空氣，又笑說：「我哋平時一落機就去行街，今次就去買搓手液同清潔用品，買到幾乎超重！可惜搵咗好多大小連鎖店、藥妝店都買唔到口罩。」
抖夠先搵男友
昨日是情人節，問她們是否趕返港「交人」？智雯笑說：「唔係刻意嘅，只係因為趙希洛要返嚟開工，我咪一齊返囉。（會慶祝？）呢幾日少休息，加上時差關係，都係遲啲先同男友補祝啦！」並透露4月才開新劇，有時間「做吓自己嘢」。提到羅仲謙與楊怡宣布有喜，她們興奮表示已第一時間在社交平台送祝福，又笑指早前見羅仲謙已覺得他神采飛揚，希望他們生個肥肥白白的小朋友！
