袁詠儀笠罩修錶 幫Chilam慳荷包
向來恩愛的影后袁詠儀（靚靚）與老公張智霖（Chilam），剛度過結婚19周年，多年來持家有道的靚靚，照顧得Chilam兩父子妥妥當當之餘，更不時為老公慳荷包，就算名錶壞掉，亦沒打算再購買，只拿往店舖修理。
日前夫婦無懼新冠肺炎肆虐，雙雙現身中環行街拍拖，戴上口罩的兩人發現記者，Chilam即睩大眼。原本頭耷耷、冇厘神氣的靚靚，與老公往附近名錶店行逛時，即時生猛晒，見她指手畫腳與女店員傾到雞啄唔斷，又左騰右騰於櫥窗睇新款，Chilam則坐在一旁慢慢等。約20分鐘後，兩人雙雙步出，靚靚離開時一臉興奮，笑到腰果眼，表現風騷的她，等過馬路時還邊講電話邊丁字腳翹住老公。
健康最緊要
事後聯絡靚靚，問到當日是否獲老公送贈結婚周年禮物，她說：「周年禮物一早互送完，當日主要去錶店探個Auntie，我順便攞隻錶去整，因為隻錶壞壞哋，又去開中環。咁都希望我老公好快會送禮物畀我，不過依家最緊要大家身體健康。」