鄺芷凡晒水着 自嘲未夠班

藝人鄺芷凡（Omi）最近與「網絡女神」倪晨曦拍攝香港開電視女性時尚潮流節目《五星級絲打》，激讚對方勤力：「佢不斷為鍾意嘅嘢提升自己，平時都有教我小Tips，例如擺Pose時隻腳要伸出嚟，睇落去會高啲，覺得佢由內到外都係真女神。」又透露今次拍攝最難忘是乜都試，包括首次幫人染頭髮：「我都唔夠膽幫自己染頭髮，但同事嘅朋友竟然肯畀我試，成個過程好開心！」講到節目內要穿泳衣上陣，她笑言平時不是行性感路線，亦不夠資格：「今次係健康性感！（係底線？）算係(口架)，最緊要係三點不露。」