張兆輝喊功驚人嚇窒姚子羚

藝人張兆輝與姚子羚主演的無綫劇集《黃金有罪》今晚大結局，自播映以來贏盡口碑。張兆輝坦言有不少爆喊鏡頭，甚考演技：「有一幕講我收到子羚寄畀我嘅文件，跟住我好自責，之後就喊，拍嘅時候只係對住一個公文袋。」提到他與子羚有親熱戲，問到是否比喊戲難演？他笑言不相伯仲：「其實喊同親熱戲好講感覺，可能因為大家好信任對方，拍攝前唔使講太多，出嚟效果好自然。」
張兆輝
張兆輝

而子羚大讚張兆輝喊功驚人：「喺泰國同輝哥拍嗰場喊戲，其實我好緊張，因為知道呢場戲好重要，當時啱啱拍，同佢未太熟，我喺旁邊驚NG會影響佢，好彩拍得好順利。」

張兆輝話喊就喊，姚子羚甘拜下風。
  • 張兆輝話喊就喊，姚子羚甘拜下風。