李施嬅黃浩然做法證考記性

由黃浩然、李施嬅、譚俊彥（Shaun）、陳煒及朱晨麗主演的無綫新劇《法證先鋒Ⅳ》將於本月17日起晚上八時三十分在翡翠台播出，連續四輯都由金牌監製梅小青監督。劇情秉承《法證》系列傳統以「三法」－－法證、法醫及執法人員組成滅罪鐵三角，合力解開奇案，為死者發聲，替生者雪冤。

黃浩然飾演高級化驗師高安，對白中帶有大量專業名詞，令他時刻都要在囫圇吞棗地背對白：「對白好長，要好精準咁講出嚟，仲要交戲，係有難度。另外，因為部分要重拍，同對手只有好少嘅接觸時間，所以事前要不斷對戲，加上已經演繹過一次，要保持神髓同時要有新鮮感，呢個唔容易。」除了文戲，浩然在劇中需要打MMA，他在開拍前兩個月已接受訓練：「因為拍攝時間長，其實體力已經有限，仲要拍打戲，所以有啲吃力。」

在台慶頒獎禮贏得最受歡迎角色獎的李施嬅，今次要克服艱深的對白。	陳煒與譚俊彥發展感情線，還要跳一場華爾兹。	李施嬅與黃浩然分別飾演法醫和化驗師。

譚俊彥練跳舞

Shaun飾演重案組高級督察郭輝煌，對他來說可謂駕輕就熟：「執法人員演咗好多年，由PC做起，今次終於可以做到阿頭，當時啱啱拍完包青天，覺得好似返咗去同一個情景，因為都係要審好多犯。」講到難忘場口，Shaun表示跟陳煒有感情線，兩人在劇中要跳舞：「我係跳舞白癡，但學嘅時間唔多，學咗點跳華爾兹，出嚟效果幾浪漫，覺得幾得意。」

最難背的劇本

而李施嬅的角色是法醫科高級醫生聞家希，她事前看了很多有關法醫的書及解剖片段作準備，怕血腥及內臟的她不諱言睇到發噩夢。此外，施嬅更要面對艱深對白，是入行以來最難背的劇本：「要用好專業嘅表情去講啲自己都唔明嘅專業名詞，係好大挑戰！」