參演恐怖新片《謎．離島》（Fantasy Island）的Maggie Q接受本報電話訪問，對香港疫情非常關心，她說：「好掛住香港！我好多朋友都喺呢個城市，香港對我嚟講有個好特別嘅位置，佢係我曾經嘅家，聽到香港發生嘅事，諗起當年沙士我喺香港嘅經歷，我個心都碎晒，希望盡快有機會返香港。」
談及《謎》片，她自言看過70年代原版電視劇，而新版電影並非單純恐怖，亦側重角色描寫。片中角色獲邀到島上實現夢想，問她有何夢想，她笑說：「第一係改變有權力嘅人；第二係改善環境；第三係放晒動物園嘅動物，等佢哋唔使受苦。」至於人生有甚麼後悔？她說：「有時有悔恨係好事，等我哋去學習。我唯一後悔係少年時唔夠智慧、唔夠成熟去尊重一段關係，我學到唔好覺得乜都關於你，要識分開，唔好咁情緒化同衝動，要冷靜。」