黃建東愁創意乾塘！
曾赴紐約進修演藝的前港男黃建東，憑扮嘢及搞Gag出位，二次創作大受網民熱捧。他早前接受東網巨星節目「海馬牌床褥特約」《閨蜜睡房之Brother來了》訪問，與主持李文珊（Sherman）分享創作心得。
驚得罪陳偉霆
黃建東表示小時候已充滿表演欲，小五那年試過在房間重演電影畫面，演到淚流滿面，發現自己原來很享受做戲，他又大談二次創作的過程：「記得嗰陣入咗行五年，自己愈做愈霉，諗緊係咪要轉行時，神推鬼擁，突然有條橋入咗腦，度完橋就拍，冇諗住會Hit，跟住一日就200萬點擊。」當中惡搞《PPAP》一句「Pork lego guy」更是洗腦式植入觀眾腦海，一度成為黃建東的「代名詞」。
至於模仿陳偉霆（William）的廣告片同樣獲網民大讚，黃建東說：「我同啲朋友不嬲講笑，原本William條片係Hug my mother，好窩心、好溫馨啦！我想搞笑啲『I hug my姑媽』，點知大家好鍾意。我諗平時自己儲落好多低能嘢、搞Gag嘢。（內心會唔會好掙扎？）梗係，一來係會唔會令William唔開心，但係我最大嘅掙扎係啲人會唔會覺得唔好笑？黃建東唔再搞笑？才盡？」
自爆摯愛非瑪姬
講到感情事，自稱感情空白的黃建東承認與緋聞女友、前DJ瑪姬感情深厚，但只屬思想接近的好友：「有啲乜嘢唔開心都會同佢講，呢幾年佢一直陪住我，好難得。」又自爆最疼錫的其實另有其人，揚言死後會將所有東西留給對方！想知道更多？記得本周五、六、日收睇《閨蜜睡房》！