歌手劉晨芝早前分別到法國、英國、西班牙旅行，之後再到美國洛杉磯坐郵輪去墨西哥，玩足三個多星期。雖然有郵輪乘客確診新冠肺炎，但她冇有怕：「我喺洛杉磯差啲上唔到船，知道依家好多郵輪唔畀內地同香港人上船，我嗰隻就唔畀啱啱去過內地嘅人士上船。美國呢邊情況OK，反而我坐完郵輪返洛杉磯後，原定返港嘅航班被取消，屋企人叫我暫時唔好返嚟，再睇定啲先。」
