陳柏宇趙勁皓 火鍋店執笠
疫情下不少市民減少外出，對飲食及零售業造成影響，加上日前有19人家庭打邊爐後出現多人確診，進一步打擊飲食業。藝人趙勁皓（King）與歌手陳柏宇兩年前夾份投資火鍋店，King坦言兩間分店已分別結業及易手：「尖沙咀店去年6、7月頂咗畀人，蝕咗少少錢；銅鑼灣店1月租約期滿，所以結業，冇蝕錢打個和。」而陳柏宇坦言生意差了一段時間，是時候要結業，問蝕了多少錢，他說：「應該冇蝕，因為有錢賺時已經回本，係跟住儲備啲錢蝕晒，咁完約時就執囉！（可惜？）冇乜，生意唔得就唔得。」
King還有三間北京菜餐廳、一間酒吧及一間健身室，當中以餐廳的生意最受影響，每間每月虧損約30至40萬，他表示仍可支撐三至六個月。