楊明莊思明 廁所都唔去

楊明與莊思明昨午戴着口罩及帽，推住3箱行李及大袋現身機場抵港大堂，他們坦言：「喺飛機上全程戴口罩同消毒，盡量唔去廁所！」楊明指整個旅程的重心都是搵口罩：「好難買，見到防花粉口罩都買住先。我冇囤積口罩，主要買畀公司同事，佢哋一日要用幾十個，一定要有足夠貨源。」其燉湯店也做足防疫措施，除了食飯，員工全程戴口罩。莊思明則表示家鄉馬來西亞亦訂不到口罩，很多朋友嘗試於南非等較遠的地方訂購。

慳住使力保餐廳

疫情令市道轉差，楊明坦言燉湯店生意受影響：「市面靜咗好多，條街都少人，之前社會運動再到疫情，真係傷上加傷。（你間店被連番狙擊，依家點？）好彩暫時都OK，頂到吓，有冇錢賺就其次，仲有好多市民支持，掹掹緊就收緊開支。（若情況再差，有冇諗過結束分店？）暫時未有呢個諗法。」

陳淑蘭獨霸機艙

同於昨日返港的還有前港姐陳淑蘭，她在馬來西亞時趁機到超市入貨，並留言：「已經好耐未見過漂白水了。當見到貨架上排列整齊的貨品，內心好激動……去吉隆坡竟然買漂白水、衛生巾同消毒衣物噴劑，匪夷所思！」她昨日再上載在機艙的照片，表示：「祝自己平安返香港，成個商務得我一個人坐，又安全咗少少。」

而早前返港過年的前藝人蔣雅文（Mandy），本月7日返台灣後須「居家檢疫」14日，她選擇在其工作室隔離，因妹妹住在她家，加上有寵物，已隔離3天的她說：「唔會悶，我好習慣照顧自己。」