阿女玩韓風 劉小慧唔識欣賞

歌手劉小慧與蘇志威結婚多年恩愛如昔，是圈中模範夫婦，昨日元宵佳節，兩口子未有選擇過二人世界，而是與細女Ina享天倫。劉小慧在社交網上載由女兒操刀的夫妻合照，見蘇志威搭着她的膊頭，相當冧；另一張相則見Ina以手掩面坐在地上，十分搞笑，劉小慧發文解釋：「我個女要我哋幫佢影嘅相，我唔係好識欣賞，估計這是韓星風格。」又表示享受與朋友過節：「結咗婚生咗小朋友之後，無論每個大小節日都會有『前世情人』一齊過，真係好，我最鍾意一大班好朋友一齊吃喝玩樂，食飯都可以叫多幾種唔同餸啊。」