藝人盧惠光、佘詩曼、歐陽震華（Bobby）、崔嘉寶及其夫周文曦等成班朋友日前相約飯局，最近疫情嚴峻，盧惠光希望集朋友之氣，歡聚一下，他說：「阿佘、Bobby個個都係玩得之人，大家飲到好開心，難得碰頭，當然要盡興！」
講到疫情緊張，原定到內地為新片開工的盧惠光，因疫情肆虐而取消工作，六位數字酬勞見財化水，他說：「原本有幾套戲喺內地開，但疫情咁嚴重，全部停工，冇咗幾套戲拍，係有損失，但冇辦法！」