羅天宇唔認溝女王
藝人羅天宇、龔嘉欣及劉溫馨日前為無綫劇集《香港愛情故事》開工，最近與戴祖儀傳緋聞的天宇被指是「溝女王」，但他未有理會，繼續與嘉欣奉旨親熱！
在新劇中與龔嘉欣不乏親熱戲的羅天宇，現實中被拍得用車接載樂壇新貴戴祖儀，戀情甚囂塵上，對此他說：「我哋有首Cover歌合作，其中一次係錄完音順路車埋，同埋平時大家一齊傾音樂經，唔係拍拖。（話你係溝女王。）唔係事實嘅嘢唔講啦！」
龔嘉欣開房掛住笑
他透露劇中與嘉欣到膠囊酒店「親熱」：「有三場重頭親熱戲，即將拍第二場，膠囊酒店地方細，講我哋一入去就親熱，有咗上次經驗，今次唔會咁尷尬。」嘉欣則揚言豁出去，加上對天宇及工作人員信任，所以未有太尷尬：「拍嗰時我哋互相取笑，因為都要打扮性感，大家以笑嚟緩和尷尬氣氛。」
劉溫馨日本掃口罩
至於廣東話不太純正的溫馨，今次演內地來港女子：「反而叫我再講歪啲！」談到新冠肺炎持續，她透露農曆新年期間到日本旅遊，買了少許口罩做儲備：「本身鼻敏感，都有戴口罩習慣，所以暫時夠用。但我冇搶米，因為唔煮飯，同埋仲有好多其他食物選擇嘅。」