楊玉梅重裝備街頭派罩

藝人楊玉梅昨日帶齊護目鏡、口罩、手套、心口掛有迷你空氣淨化機，現身葵涌派發3,500個口罩，每人可拎五個，她坦言若有充足數量的話，都會自發派口罩：「依家都得一盒，慳口罩就唔出街。」問到可有影響工作？她透露有內地電影及電視劇取消。講到日前有臨時演員於電視城內嘔吐而引起恐慌，她再次澄清：「佢係食太多嘔啫！資訊太多要睇清楚，聽到有人搶水、搶廁紙，真係嚇親！」