羅堃尉Join團爭寵
第二位索女主持羅堃尉（Karen），於第三集後會合沙律到廣島喪玩，別看她們身材Fit爆，原來「食力」驚人，狂擦著名廣島蠔，不論炸蠔、燒蠔、蠔漬物統統鯨吞，Karen笑說：「工作人員每餐都估邊個食得多啲，我哋因為呢個節目變咗Friend。」
此行多間民宿都令她相當難忘，例如被一名4歲小女孩電暈，更與沙律爭抱！她又感受復古民宿：「嗰日好似深山隱居咁，天氣好凍但冇暖爐，去沖涼嗰陣踩住石地勁凍，不過之後屋主請食以柴火起爐嘅Sukiyaka（壽喜燒），好特別！」其後她亦有個人拍攝部分，她坦言感受不同，期待有機會五位主持一同旅遊，笑言必定嘈到拆天！