何廣沛畀死黨截胡 絕交！

藝人何廣沛、陳曉華及張彥博昨午於九龍塘學校區，為新劇《食腦喪B》開工，三人以校服Look現身，劇情交代廣沛一直視曉華為女神，驟雨下想送雨傘給她留念，可惜遭阿博「捷足先登」，濕身廣沛無奈離開！這場戲勾起廣沛「痛苦回憶」：「讀書嗰陣我性格比較內斂，好多時候都係暗戀人多，鍾意個女仔但一直唔夠膽表白，突然間有日佢同我講，叫我唔好再聯絡佢，原來佢已經同咗我好朋友一齊，而呢位好朋友係我死黨，佢知內情，最終我都同死黨割咗席，覺得佢欺騙我。」
陳曉華作學生妹打扮，毫無違和感。
陳曉華作學生妹打扮，毫無違和感。

陳曉華「情信」冧學姐

談到緋聞女友朱晨麗的婆婆辭世，廣沛表示知道消息亦感愕然：「有聯絡佢，不過回覆好簡短，好明白佢依家心情，親人離世唔係容易面對嘅事，要畀啲時間佢沉澱、消化，佢心情平復會聯絡大家。」

至於求學時讀女校的曉華表示當時未有「收兵」，但自爆曾寫「情信」給學姐：「佢係社長，覺得佢好叻，我以佢為榜樣，後來我亦當選社長，同樣又有師妹喜歡我囉！」

何廣沛的Puppy Love有個痛苦回憶。
  • 何廣沛的Puppy Love有個痛苦回憶。
張彥博捷足先登同陳曉華一齊，何廣沛（左）好冇癮。
  • 張彥博捷足先登同陳曉華一齊，何廣沛（左）好冇癮。