戴祖儀想買汪明荃大屋靚View
藝人汪明荃、戴祖儀、何浩文及楊潮凱等日前錄影《娛樂大家》，戴祖儀透露年初一獲邀到汪明荃家中拜年，更有機會品嘗到對方的「愛心美食」：「阿姐（汪明荃）仲親自帶我去參觀佢間靚屋，有無敵海景，絕對係我工作動力，第時即使買唔到咁大間屋，都希望買到呢個靚景！」
楊潮凱則透露囡囡患上甲型流感，最終服用特敏福才痊愈，所以未有四出拜年，何浩文更加「慘情」：「本來要返內地開工，依家所有內地嘅拍攝叫停，我惟有匿喺屋企做宅男！」而汪明荃則透露日前為八和會館召開緊急會議：「因為一個月之內已經取消咗過百場粵劇演出，業內好多朋友手停口停，所以要商討對策。（趕到搭港鐵？）其實平時我都經常搭，冇人理啫！」
