徐綺雯獲邀畫拍賣

自小愛畫畫的名媛徐綺雯（Candy）畫了一幅色彩繽紛的油畫賀新年，她說：「細個啲畫成日貼堂，我鍾意啲畫有好多顏色，平時喺屋企得閒就畫。（之前有作品被拍賣？）係，有次喺上海慈善拍賣我幅畫拍到5萬元，朋友已經再邀請我今年攞畫出嚟拍賣。」她表示畫畫可以令心境平靜，並說：「我鍾意畫關於愛情、有愛心、動物嘅嘢，今次幅畫係賀新年，畫咗大紅燈籠高高掛，代表鴻運當頭，有兩隻雀仔，好事成雙，有情人終成眷屬。」