楊明遭惡搞 被屈舖頭派罩
武漢肺炎疫情肆虐，在港亦引起恐慌，口罩、消毒酒精等被搶購一空。昨日網上流傳藝人楊明旗下燉湯店，免費派發10萬盒口罩，只要大叫「支持警察」口號就能獲得。
楊明昨日澄清傳言純屬惡搞，他回覆稱：「下午已經開始有人傳，係我啲朋友講番畀我知，啲親戚都打嚟問我係咪真，叫我讓畀佢哋，但呢啲係謠言，如果我係有都唔怕派呀！（被擺上枱？）係啦！但我已經唔覺得係新奇事，自己公司都做晒消毒，每個員工會派一個口罩，有內地員工返港，都會安排佢哋自我隔離14日，自己公司有儲備，口罩都可以頂到半至一個月，相信到時疫情受到控制，而自己都有一、兩盒用嘅！」