城城叫老婆唔好出街
郭富城昨日着到紅噹噹現身機場出發到美國巡唱，面對武漢肺炎肆虐，他和經理人小美都做足準備戴上口罩，他見到同行人員更教他們正確戴口罩方法，問到美國之行太太方媛可有擔心？他說：「太太有叫小心啲，成日提我要戴口罩，小朋友就留喺屋企做足防疫措施。（唔准出門？）喺屋企唔好出街嘞！小朋友留喺屋企唱歌。」
此行預計留十多日，所以太太未有隨行，城城說：「原本係我去美國時，佢返去上海，後尾就唔返喇！（禁足太太返去？）唔關事，依家大家盡量都留喺屋企，冇必要唔好出街，祝大家身體健康，新年快樂，希望快啲冇事！」他邊行邊看着平板電腦說：「你睇，我都有睇住新聞(口架)！（Check住疫情？）都要睇緊情況。」過閘機時他有拉低口罩，並跟大家揮揮手說身體健康。
