張文慈掃「薄罩」中伏!

全城撲罩潮下,鄧穎芝日前到美國旅遊兼做代購手袋生意,抱着「幫人」心態四出搜購口罩,可惜走勻廿多間藥房都空手而回。昨日她受訪時直指情況誇張,後來轉而掃酒精搓手液,並在社交網開甫表明可代購,五分鐘即接到幾十單訂單,但揸車四出搵貨,結果掃到百幾支。問到可擔心被指發「疫症財」?她說:「我絕對唔會食人血饅頭,啲搓手液只加番油費,我一蚊都冇賺,得個『抬』字,幫到人自己開心。」

而張文慈昨日在網上「求罩」,留言表示家中口罩所餘無幾,全港缺貨買不到,千辛萬苦下找得一百元二十個的口罩,取貨後發現中伏:「口罩薄到紙一樣!透過口罩見到手指,薄得過分!」揚言如在街上見到她沒戴口罩,不要罵她沒公德心!至於身在泰國的周家蔚亦為小朋友撲口罩,未料卻買錯只防花粉的小朋友口罩。

此外,陳柏宇、周志康昨日錄影《勁歌金曲》,育有一女的柏宇說買不到酒精搓手液:「好彩以前同藥房店員吹開水,佢留咗兩盒畀我,估唔到街坊傾偈都有用。」