好崩潰呀:俄羅斯女模伊蓮娜（Irina Shayk），上年6月同美國男星畢利谷巴（Bradley Cooper）分手，4年情玩完，最近佢接受雜誌訪問，罕有咁講起舊情：「我諗我哋好幸運可以有一齊嘅經歷，冇咗畢嘅人生係新階段。」又話做單親媽咪同事業女性好困難，有時覺得自己要崩潰！
投球女王:韓國女團Apink成員尹普美，近日亮相新春特輯《偶像運動會》，喺女子投球項目擊敗ITZY成員禮志，以滿分成績攞金牌，獲封「投球女王」！事務所前日公開佢拎住金牌嘅相，粉絲紛紛爭住恭喜。