甄子丹打得少 轉玩父子情

子丹形容自己目前於藝術創作及演戲方面趨向成熟，難怪他願意接受挑戰，與導演羅志良合作拍電影《極地搜救》，子丹今次將放下拳頭改玩溫情催淚：「呢部係全文戲，角色人物比較複雜，好考感覺，我覺得都幾難演。」戲中雖無激烈動作，但子丹仍有跳河等驚險場面，可惜好事多磨，該片因疫情順延至11月才開工。

談到新年願望，子丹坦言：「希望身體健康，能夠抽多啲時間同家人一齊，做嘢點辛苦都好，始終都係為咗頭家啫！」他的一對子女充滿藝術細胞，尤其次子甄濟嘉（James）更遺傳了子丹的好身手，年僅12歲已開始「習武」，雖然子丹將開拍父子情電影，不過他暫無意「父子檔」上陣，他解釋：「囝囝練緊巴西柔術同跆拳道，我覺得佢都有潛質，但都係嗰句，佢仲細讀書緊要啲，有時唔係你揀電影事業，反而係電影事業揀你，每對父母都希望仔女成材，但佢哋都有自己嘅路要行。」

頂唔順嗌停

另外，子丹主演的賀歲片《肥龍過江》陪大家歡度新歲。談到拍攝過程，他說：「我孭住幾十磅肥仔造型仲要打到飛起，每日落妝都扭得出成加侖汗。（試過頂唔順？）有呀！即刻叫停休息回氣。」

回顧去年的成績，他感滿意：「多謝觀眾支持，令《葉問4》有個圓滿嘅成績及結局。我覺得大家過度消費葉問宗師，所以主動提出唔好再拍落去。」