傅穎召粉絲集氣碎餅重圓
早前「五餅碎重聚」照引發Fans要求Cookies合體訴求，原來屬「沉默一族」的前成員傅穎亦有同一願望，揚言「集氣可成事」，更剖白跟舊隊員關係非外界所傳的僵化，似乎前Cookies相隔18年再同台跳唱，亦非不可能。
肖鼠的傅穎（Theresa）今年「回流」香港發展，日前接受專訪時，談及早前有Fans要求「九餅」合體，她直言不介意Cookies重現：「如果我係觀眾，都覺得幾好睇，我仲依稀記得《心急人上》隻舞某啲Step，但唔係全部記得晒。」又覺得多年來遭「孤立」的傳聞很無聊，正如之前「五餅敍舊」，其實她在被邀之列，只是跟上堂時間撞正才缺席：「覺得可惜，其實我想去，咪話下次再約囉，一定約到嘅。」
學會主動聯繫
Theresa自覺人大了，性格會變，承認以前很被動內斂，但經朋友直斥其非後，明白無論友情、親情及愛情都需要維繫：「我依家都會主動搵吓人。（前Cookies嗰班？）我有主動聯絡佢哋。（個個都有？）咁又冇，唔係每個聯絡方法都有。（邊個冇？）如果要，可以問是但一個就有晒其他人。」
出歌又拍劇
單身3年的她承認等待愛情，身邊亦有很呵護她的人：「男女都有，但講到追我又唔覺喎，我就冇特定男友條件，等上天安排。」她指愛情隨緣，惟事業心仍相當強，打算暑期前推出相隔3年的國語及廣東版新歌，還會參與拍劇，今年會放多些時間在港，趁開工前，好好陪家人過農曆新年。談到新年願望，希望身體健康，可以達成已訂下的工作計劃及學多些新事物。