陳約臨利是錢上繳阿媽
藝人陳約臨鍾意過新年，除了一家人團聚，最重要是可以食不停及(手豆)利是，她說：「一到新年就唔使諗減肥，好開心不停食，因為我係上海人，細個好多時返鄉下過新年，一定會食八寶飯，入面好多料、好甜，食到就覺得過咗個好開心嘅新年。又會包餃子，我自創咗用薯仔加豬肉包嘅餃子，仲要點茄汁食，好好味。」
另外，她透露收過千元大利是，至今難忘：「細個時公公婆婆畀過千蚊利是，自己覺得好威，但大個就覺得其實幾多錢無所謂，利是係一個祝福。」但她表示利是錢從來沒有落過袋，會全部交由媽咪保管，她說：「利是我一收就拆，拆完阿媽就話畀佢保管，啲利是錢從來冇經我手，但冇唔開心，佢會買個玩具畀我。」至於新年願望，她希望事業更上一層樓，開開心心。