朱晨麗回鄉團聚帶埋何廣沛？
無綫花旦朱晨麗（朱朱）去年化身勤力牛牛不停拍劇，可算是豐收年，近日終於可抖一抖，返蘇州家鄉度歲！她一連拍下《法證先鋒IV》、《大醬園》、《多功能老婆》等幾套劇集，當中《多》劇「馬思蕾」一角的佻脫可愛形象，有別於過往演繹方式，觀眾回響不錯，此乃朱朱意料不及，她說：「我豁出去演呢個角色，觀眾好意外我原來可以咁癲，我自己都意外原來可以去到咁盡，希望之後喺角色再有更多嘗試！」
談到傳統農曆新年，朱朱透露以往即使僅得一、兩日假期，也堅持坐飛機再駁長途車返蘇州老家，與家人團圓，更指會跟隨習俗食年糕。提到家鄉菜，她首推上海炒年糕，日前更落手落腳顯新手應節，雖然廚藝不精，但亦有板有眼，色香味俱全，只於拋鑊時大頭蝦，把部分年糕拋出鑊外，她說：「煮呢味菜式畀屋企人食，相信最開心嘅係我媽咪，大家見到呢個製成品，就證明到我唔會係地獄廚神！」
𢭃利是等人約
與何廣沛的緋聞甚囂塵上，問會否帶他返家鄉「見家長」？朱朱說：「如果佢有興趣旅行，我咪帶佢去睇蘇州美景同古蹟囉！不過，過年通常大家都喺屋企過，一家團聚嘛！（咁你去何廣沛屋企拜年？）我好鍾意去𢭃利是，最開心成班朋友一齊去，但暫時未約，希望佢邀請我哋啦！」
場地：松山海鮮鍋@山林道