曾樂彤逢賭必輸靠老闆「填氹」

英皇藝人曾樂彤與楊天宇（Angus）喜歡農曆新年，皆因去年到老闆楊受成家中拜年，一眾師兄師姐容祖兒、Twins與古巨基齊集，單是(逗)利是已大豐收！講到會否麻雀耍樂或小賭怡情一試運氣？Angus說：「去老闆屋企個個都係好運，唔會輸錢走(o架)！」曾樂彤解釋因老闆闊綽：「唔會畀我哋輸錢。」又坦言從不愛賭：「覺得賭錢贏番嚟嘅運氣，係換咗我成年嘅好運！我成家人逢賭必輸，連買藍籌都輸！」