惠英紅攻四方城發新年財
出爐視后惠英紅領獎翌日已趕返內地工作，直至初一才「收爐」，返港與家人歡聚度歲。她休息數日就復工，預計工作檔期已排到10月，向來愛攻打「四方城」的她，即打趣表示要爭取機會相約友人竹戰，希望發新年財！
問到今年派開工利是會否加碼？她坦言：「冇得計，總之開工我會全組派，一組起碼過百人，我諗起碼5、6萬啩！」至於新年有何習俗？她指家人年卅晚和初一會食水餃：「水餃係齋嘅，另外初三前我哋唔會掃地，亦唔可以講唔吉利嘅說話。山東人賀年冇糕點，只得大盆菜同麵食。（有乜新年願望？）身體健康，大家和平，唔好再有爭鬥，大家減少戾氣。」將於2月2日「登六」的她，屆時會與家人慶祝，笑說：「生日要食水餃同長壽麵，攞意頭嘛！」