可宜狂食餃子 博行桃花運
藝人可宜（Natalie）是中英混血兒，曾在英國留學，卻自認傳統女人，不少新年習俗也有依從。穿上旗袍現身的Natalie，指現時的旗袍融入現代元素，令感覺更為時尚：「過往嘅新年我都會着唐裝，今年比較熱就可以着啲短袖旗袍，同埋依家啲旗袍好新款又好鮮艷，着咗之後令成個人更加優雅。」
談到新年的習慣，Natalie最難忘的是吃餃子環節，皆因內有乾坤：「媽咪係山東人會跟足傳統，過年會包餃子，入面會放啲乾淨嘅毫子同紅棗，邊個食到紅棗代表今年會行桃花運，有毫子就係財運，所以每年都會好落力食，點都要食到為止。同埋我亦會用碌柚葉沖涼，每年買新紅色內衣褲同新鞋過年。」
