何廣沛過年瞓足三日

無綫藝員何廣沛昨日到電台接受訪問宣傳新劇《大醬園》，正在拍攝新劇《食腦喪B》的他透露近日趕工拍攝，昨日拍攝至七時才睡覺，睡了兩小時隨即到電台接受訪問，他笑說：「年三十晚拍到晏晝五點收爐，相信食埋團年飯，我就會瞓足三日，準備初四一早開工。」講到《大》劇口碑好，他說：「之前有集講我同朱晨麗、龔嘉欣喺架車裏面碌落山坡，拍攝過程真係好辛苦，有血有汗，因為個斜坡成45度咁斜，好驚險，好似坐過山車咁，最辛苦係啲武指，因為佢哋要負責拉威吔，所以都有啲整親。」