孖董嘉儀逛年宵JW做女殺手

歌手JW（王灝兒）孖師妹董嘉儀去維園年宵行好運， 二人一見到鮮花就心心眼，JW因住得近，每年都會行幾次，而且必買水仙、桃花，又自爆是「女殺手」：「我殺價絕不口軟，買花最享受係講價，會等到最尾嗰日先嚟買，講吓啲意頭說話就會成功。呢啲係爸爸『真傳』畀我嘅！」嘉儀大表羨慕，原因是她最唔在行講價：「所以媽咪唔畀我自己去買花。」
JW（右）、董嘉儀在桃花前許個咩願呢？
JW（右）、董嘉儀在桃花前許個咩願呢？

除了逛花市，二人對美食亦食指大動，嗜甜的JW定會買冰糖士多啤梨，嘉儀則喜歡食風味小食炭燒魷魚，大讚滋味！講到新一年目標，入行10年的JW希望增加產量，推出大碟及舉行音樂會。而剛考到瑜伽導師牌的嘉儀則希望開班，以及拍更多瑜伽、煮食片與Fans分享。

JW自認是殺價高手。
  • JW自認是殺價高手。