楊埕長女出頭 為家人討公道

女星楊埕昨日在社交網表明身為家中長女，有責任要保護家人，遇到問題要挺身而出，並hashtag蝦到老人家入醫院。她接受本報電話訪問時，自揭因發現一位在她父親公司任職多年的員工，其行為出現問題，故訴諸法律以求公道。楊埕指經營創業顧問公司的父親，對該員工悉心栽培：「爸爸待佢不薄，人工豐厚，仲資助佢去讀書、考專業資格，但近排呢位員工嘅行為令我睇唔過眼，之前佢同我爸爸爭執期間，激到有心臟病嘅爸爸入院，我真係好激氣，覺得有人唔飲水思源。我有幾個細佬妹，身為長女要保護家人，已經訴諸法律，為家人出口氣。」