李昭南大方唔着衫 林明禎寫真響戰「股」

李昭南重踏台北浸溫泉，憶起當年受情傷。

曾與歌手吳浩康拍拖兩年、於前年分手的美國華埠小姐李昭南，在ViuTV演出多個節目及劇集，包括《區區有樂》及《理想國》等而人氣直升，加上常在社交網開Live自彈自唱，又愛派褔利網晒水着照等盡騷36C「胸器」，升呢炙手可熱的索爆女神！日前她與友人到台北旅行，以火辣戰衣浸溫泉，同行好友趁機拍下溫泉寫真，她說：「以前嘅我着泳衣一定要加多件衫喺出面，不過多得呢位朋友鼓勵，叫我要大方啲，所以今次我終於勇敢啲唔加衫，係佢令我明白忠於自己好重要！」

重回療傷地

李昭南指這位好友陪伴她經歷感情挫折，兩年前到台北療情傷時，二人在陽明山打賭：「話邊個用手機去搵唔應該搵嘅人，就要向山下嘅人大叫『我係垃圾』，最終我半夜真係搵咗，當時我好懦弱！」

向來不敢齋穿水着的李昭南，終鼓起勇氣「唔着衫」，大方騷Quali。	一身火紅水着的林明禎，S曲線盡現！	林明禎有意推出健身主題的寫真。

同樣身材超班、擁32E「胸器」而獲封馬來西亞女神的歌手林明禎，日前亦網晒索爆水着照，盡展魔鬼線條，渾圓美臀加上白滑長腿，令網民大呼受不了！但她原來另有「企圖」，她留言：「2020來本健身X寫真好嗎？」即有超過10萬人讚好，反應熱烈，成功試水溫！