余香凝開個唱減磅騷性感
余香凝昨日為首次舉行的演唱會舉行記者會，即席演唱新歌造勢。入行10年的她雖自稱「老屎忽」：「但聽到有人邀請，起初都擔心唔夠歌，又同主辦方講我冇乜粉絲喎。其實唔好講係演唱會啦，好大舊嘢壓落嚟。」
今次演出編排全由她一手包辦：「會同粉絲分享入行以來嘅一切，包括遇到困難嘅時候。（試過有挫敗？）好似啲網絡攻擊同批評，遇到類似嘅問題，我通常會聽歌，同埋多謝屋企人嘅支持，所以呢次妹妹都會上台同我合唱，我驚到時喊到收唔到聲。」
她又自爆原本想在快歌環節一展舞技，不過已遭公司同事「極力阻止」：「我天生手腳唔協調，佢哋驚我跳舞嚇走晒啲人，都係留番下次先。」目前其體重約120餘磅，被同事叫肥妹，余香凝說：「新年後會努力減肥，目標起碼減10磅。我覺得自己天生大隻，如果減肥成功嘅話，快歌嗰Part唔排除會性感啲演出。」