陳詩欣整裝待發 唔想畀人取代

單身的陳詩欣雖然想拍拖，但未遇上「對的人」。

變得獨立

唱歌出身的她坦言以前轉數不夠快，口才又唔叻，但主持節目後慢慢得以改進：「依家應變能力好咗，口才要再努力啲。」她承認以前好多事要靠經理人及家人幫手，加入無綫後變得獨立：「好似被一個朋友呵護住，乜都幫你安排晒。經過幾年訓練，我嘅自理能力高咗、獨立咗。」

去年推出一首單曲的Eunice坦言有唱歌癮，但會等合適時機再做歌手，對拍劇或電影亦感興趣：「以前細個做嘢好心急，但依家發覺心急係冇用，會準備好自己一步步咁行，咁樣會紮實啲，唔想人哋話『陳詩欣呀？冇所謂啦，可以搵第二個取代』，我真係好想做到一個位，令人諗起呢個角色或呢首歌而搵陳詩欣。」

陳詩欣好想拍劇，接受更多挑戰。

做主持後，陳詩欣轉數比以前快。

恨嫁的心

單身的她去年在Super Girls成員Jessica婚禮上搶花球失敗，問到是否恨嫁？她笑言：「恨嫁(口架)，但要搵到對象先。」經常做「空中飛人」的她忙個不停，她說：「我好鍾意做嘢，呢刻會以事業為先，因為試過冇機會，所以一有機會會好好把握，做好啲工作，拍拖嘅嘢隨緣啦！」