花絮
胡鴻鈞被嘲「進化」:頒獎禮舉行期間，司儀陸浩明（6號）問吳業坤及JW（王灝兒）如果輸獎，會是甚麼原因？坤坤笑說：「如果輸畀胡鴻鈞，就係輸畀佢進化緊！」令人聯想到其面容進化傳聞，全場爆笑！6號叫他講清楚，坤坤補充：「唔可以講，歌曲方面佢進化緊，同埋《降魔的》佢都進化緊，去到2.0！」並笑言不敵JW的原因是她有靠山，意指她有富貴男友。
JW反擊坤坤：「佢少咗啲頭髮，如果佢有啲嘢少咗，就應該會有啲嘢多番，所以要番啲獎。」之後又補鑊：「但依家佢頭髮情況都好番好多。」胡鴻鈞則表示自己輸頭髮又輸眼鏡，但自豪地說：「至於其他嘢，我都好難輸畀佢！」三人之後齊齊獲頒「勁歌金曲獎」。
洪卓立失言拍劇換獎？
洪卓立憑《鬚根》奪得「勁歌金曲獎」，他分享得獎感受時笑笑口表示今次較特別，因為參演了無綫劇集，即令人聯想他似是拍劇換獎！講完後他似乎知道講錯嘢，頓時一臉尷尬，之後行到舞台中央準備獻唱時，忍不住低頭笑自己。
王浩信皇上駕到個個讓座
王浩信於頒獎禮開始兩個半小時後才突然現身，坐頭排的吳若希、連詩雅、胡鴻鈞等立即站起讓座，他攝位坐在周柏豪身旁的近中間位置。他獲頒「人氣王大獎（男歌星）」，並憑《愛不起》奪得「最佳原創歌曲金獎」，連奪兩獎的他表示：「多謝《勁歌》冇放棄我，畀我嚟到呢個舞台！」
受訪時，提到他有如「皇上駕到」，獲多位歌手讓座，他自嘲年長及資歷較深：「因為04、05年已經參加頒獎禮，佢哋關愛我啫！」並解釋要拍戲，所以姍姍來遲。問到為何未有多謝屢傳婚變的老婆陳自瑤和囡囡？他說：「多謝，但始終想Focus音樂班底嘅努力先。（今年會乘勢出擊唱歌？）做緊歌，感恩不斷得到好多人支持。」